ရွှေနဲ့ ပြုလုပ်ထားတဲ့ iPhone 6 ကို ကြိုတင်မှာယူနိုင်ပြီ

8/ 05/2014  ဝင်းကမ္ဘာကျော်  

Apple က iPhone 6 ကို တရားဝင်ကြေညာခြင်းမရှိသေးပေမယ့် အမေရိကန် ပြည်ထောင်စု Los Angeles အခြေစိုက် တန်ဖိုးကြီး Accessories များကို ထုတ်လုပ်ရောင်းချနေတဲ့ Brikk က ၂၄ ကာရက်ရွှေ ဒါမှမဟုတ် ပလက်တီနမ်နဲ့ ပြုလုပ် ထားတဲ့ iPhone 6 ကို ကြိုတင်မှာယူခွင့်ပြုလိုက်ပါပြီ။ အ၀ါနဲ့ ရွှေ ဒါမှမဟုတ် ပန်းရောင်နဲ့ ရွှေကို ပေါင်းစပ်ထားတဲ့ အရောင်များ ရွေးချယ်နိုင်ပါတယ်။

Brikk က သူ့ရဲ့ iPhone အမျိုးအစားများကို Lux iPhones များလို့ အမည်ပေးထားပါတယ်။ Lux iPhones များရဲ့ ဈေးနှုန်းကတော့ ဒေါ်လာ ၄၄၉၅ ကနေ ၈၇၉၅ အထိကျသင့်မှာပါ။ ဈေးအမြင့်ဆုံးအနေနဲ့ iPhone 6 ရဲ့ အနောက်ဘက်မှ လိုဂိုကို စိန်စီပေးထားမှာပါ။ Lux iPhones အမျိုးအစား ၁၄ မျိုး ထုတ်လုပ်ရောင်းချမှာ ဖြစ်ပါတယ်လို့ Brikk က ရေးသားထားပါတယ်။

Apple က iPhone 6 ကို စက်တင်ဘာလမှာ ရောင်းချမယ်လို့ သတင်းထွက်ပေါ်နေပါတယ်။ Apple ရောင်းချအပြီး တစ်လအကြာမှာ Brikk က Lux iPhones များကို ရောင်းချပေးမှာ ဖြစ်ပါတယ်။ ဒါဟာ Brikk အတွက် ရွှေ iPhone 6 များကို များစွာ ထုတ်လုပ်ပေးနိုင်တဲ့ လုံလောက်တဲ့ အချိန်ပမာဏဖြစ်ပါတယ်။

ကြိုတင်မှာယူသူများအနေနဲ့ ဒေါ်လာငါးရာကို Deposit ပေးသွင်းထားရမှာဖြစ်ပြီး ကြိုတင်မှာယူမှုကို ပယ်ဖျက်ချင် ရင်တော့ ပေးသွင်းထားတဲ့ ငွေများကို ဆုံးရှုံးမှာပါ။

Brikk က သူ့ရဲ့ iPhone 6 အခွံများဟာ ၄.၇ လက်မအရွယ်မျက်နှာပြင်နဲ့ 128GB Storage အတွက် ရည်ရွယ်ဒီဇိုင်းလုပ်ထားတယ်လို့ ဆိုပါတယ်။ သူ့ရဲ့ မှန်းဆချက်သာမှန်မယ်ဆိုရင် iPhone 6 ဟာ သတင်းတွေ ထွက်ပေါ်နေသလို အရွယ်ကြီးတဲ့ iPhone မဟုတ်သေးပါဘူး။ နောက်ပြီး 128GB ပမာဏ ဆန့်ဝင်တဲ့ ပထမဆုံး iPhone ဖြစ်လာမှာပါ။


KTY

Myanmar Consumer Guide

ကျေးဇူးပြု၍ ဒီနေရာလေးကိုနှိပ်ပြီး Like လုပ်ပေးပါအုံးနော်

*ဥတ္တံတားသားအောင်နေလင်း(နည်းပညာ)*မှကြိုဆိုပါ၏