ဥတ္တံတားသားအောင်နေလင်း(နည်းပညာ): Samsung Galaxy S5 VS HTC One (M8) တို့၏အားသာချက်အားနည်ချက်များ

10/22/2014

လက်ရှိပြည်တွင်းဈေးကွက်မှာတော့ ကမ္ဘာ့ထိပ်သီးဖုန်းထုတ်လုပ်တဲ့ကုမ္ပဏီတွေဖြစ်တဲ့ Samsung, Sony, HTC, LG တို့ရဲ့အကောင်းဆုံးသောစမတ်ဖုန်းတွေဖြစ်တဲ့ Galaxy S5, Xperia Z3, One (M8) နဲ့ G3 စီးရီးတွေအားလုံး ဈေးကွက်ထဲ ရောက်ရှိလို့ နေပါပြီ။ ဖုန်း ၄လုံးစလုံးရဲ့ specification ဟာ အတူတူနီးပါးလောက်ဖြစ်တဲ့အပြင် အကောင်းဆုံးသော မျက်နှာပြင်၊ များပြားလှတဲ့ RAM ပမာဏ၊ ကောင်းမွန်တဲ့ ကင်မရာစနစ်တွေနဲ့ အခြားသော feature ကိုယ်စီပါဝင်လာကြပါတယ်။ ဖုန်းအားလုံးရဲ့ ဈေးနှုန်းတွေကလည်း မတိမ်းမယိမ်းဖြစ်နေတာကြောင့် သုံးစွဲသူတွေအနေနဲ့ ဘယ်ဖုန်းဟာ မိမိနဲ့ သင့်တော်မယ့်ဖုန်းဆိုတာကို ရွေးရခက်နေပါလိမ့်မယ်။
ယင်းဖုန်းများထဲကမှ ဒီနှစ်လယ် ရန်ကုန်မှာကျင်းပခဲ့တဲ့ ကမ္ဘာကျော် Kpop အဖွဲ့ 2NE1 kpop ပွဲကို စပွန်ဆာပေးခဲ့တဲ့ Samsung ရဲ့ Galaxy S5 နဲ့ မြန်မာနိုင်ငံဖွား ထိုင်ဝမ်လူမျိုး ပီတာချူး CEO အဖြစ် ဦးဆောင်နေတဲ့ HTC ရဲ့ နောက်ဆုံးထုတ် One (M8) တို့ကို နှိုင်းယှဉ်ကြည့်ရအောင်ပါ။
ဒီဖုန်း၂လုံးစလုံးဟာ ဒီနှစ်မှာပဲ ထွက်ရှိထားတဲ့ အဆင့်မြင့်စမတ်ဖုန်းတွေဖြစ်ပါတယ်။ ၂လုံးစလုံးဟာ ၅လက်မဝန်းကျင်အရွယ်ရှိတဲ့ မျက်နှာပြင်၊ Android KitKat 4.4 တွေပါရှိလာပြီး တခြားသော ကိုယ်စီ feature တွေနဲ့ ကိုယ်ထည်ဒီဇိုင်းတွေနဲ့ ထုတ်လုပ်ထားပါတယ်။

HTC One M8 ကတော့ ဒီဇိုင်းနဲ့ ကိုယ်ထည်ပိုင်းကို အဓိကအာရုံထားထားပြီး အလူမီနီယံကိုယ်ထည်နဲ့ စတိုင်ကျလှတဲ့ Sense 6 UI ကိုအသုံးပြုထားပါတယ်။ Samsung ကတော့ feature ဖုန်းလို့ ဆိုရပါမယ်။ Galaxy S5 မှာ ရေစိုခံနိုင်တဲ့စနစ်၊ ကောင်းမွန်လှတဲ့ 16 MP ရှိကင်မရာ၊ လက်ဗွေလုံခြုံရေးစနစ်တွေနဲ့ နှလုံးခုန်နှုန်းတိုင်းတာပေးမယ့် heart rate sensor တွေစတဲ့ feature စုံစုံလင်လင်ပါရှိလာပါတယ်။ ၂ခုစလုံးဟာ အားချက်ကိုယ်စီရှိနေကြပြီး ဈေးနှုန်းပိုင်းမှာတော့ HTC One M8 ကအနည်းငယ်ကြီးမြှင့်နေတာကိုတွေ့ရပါတယ်။ အသေးစိတ်တချက်လေ့လာကြည့်ရအောင်။

Design and Build Quality
---------------------------------

HTC One M8 နဲ့ Samsung Galaxy S5 တို့ရဲ့ ကိုယ်ထည်တည်ဆောက်ပုံက ခြားနားလှပါတယ်။ Galaxy S5 က ပိုပေါ့တယ်၊ ပလတ်စတစ်ကိုယ်ထည်ကိုပဲ အသုံးပြုထားတယ်၊ ရေစိမ်ခံနိုင်တဲ့ ဒီဇိုင်းနဲ့ ဖြုတ်တပ်လို့ရတဲ့ကာဗာတွေနဲ့ တည်ဆောက်ထားပါတယ်။ HTC ကတော့ ဖြုတ်တပ်လို့မရတဲ့ အလူမီနီယံသတ္ထုကိုယ်ထည်ဒီဇိုင်းနဲ့ လာပြီး S5 ထက်စာရင် ပိုလေးပေမယ့် အသုံးပြုထားတဲ့သတ္ထုကိုယ်ထည်ကြောင့် အဆင့်မြှင့်တဲ့ ခန့်ညားတဲ့စမတ်ဖုန်းပုံစံရှိပါတယ်။

HTC က သတ္ထုကိုယ်ထည်ကို အသုံးပြုထားတယ်ဆိုတဲ့အတိုင်း iPhone 5S လိုပဲ အဆင့်မီတဲ့ကိုယ်ထည်ဒီဇိုင်းနဲ့ လူတောတိုးပါတယ်။ ဒါပေမယ့် သတ္ထုကိုယ်ထည်ကြောင့်ပဲလားမသိ၊ တခါတလေလက်ထဲကိုင်ရတာအဆင်မပြေလှပါဘူး။ မတော်တဆ လွှတ်ကျနိုင်ပါတယ်။ Galaxy S5 ကတော့ M8 လို အဆင့်မြင့်တဲ့ပုံစံတော့မရှိပေမယ့် ပလတ်စတစ်ကိုပဲ လှပခန့်ညားတဲ့ဒီဇိုင်းကိုယ်ထည်ဖြစ်အောင်အသုံးပြုတည်ဆောင်ထားပါတယ်။ soft-touch plastic အသုံးပြုထားတာကြောင့် လက်ထဲမှာကိုင်ရတာတော့ သက်တောင့်သက်သာရှိလှပါတယ်။

HTC One M8 ကိုတော့ ခဲရောင်သန်းတဲ့ သတ္ထုအစင်းကြောင်းအနက်ရောင်၊ အဖြူရောင်နဲ့ ရွှေရောင်ဆိုပြီး ၃မျိုးရနိုင်ပြီး Samsung Galaxy S5 ကတော့ အနက်ရောင်၊ အဖြူရောင်၊ မိုးပြာရောင်နဲ့ ရွှေရောင်ဆိုပြီး အရောင် ၄မျိုးနဲ့ ပြည်တွင်းဈေးကွက်မှာ ဝယ်ယူရရှိနိုင်ပါတယ်။
ကိုယ်ထည်ပိုင်းကိုကြည့်မယ်ဆိုရင် HTC One M8 ဟာ Galaxy S5 ထက် 4mm ခန့်ပိုရှည်ပြီး ပါးလွှာမှုပိုင်းမှာတော့ S5 ကသာပါတယ်။ HTC One M8 ဟာအထူ 9.35 mmရှိပြီး Samsung Galaxy S5 ကတော့ 8.1 mm သာရှိပါတယ်။ မျက်နှာပြင်အကျယ်မှာတော့ Samsung က HTC ထက် 0.1 လက်မ ပိုကြီးပါတယ်။ ဒါပေမယ့် အပြင်ပန်းကကြည့်ရင်တော့ Speaker ၂လုံးကိုရှေ့မှာတပ်ထားတဲ့ HTC One M8 ဟာ S 5 ထက် ပိုကြီးတယ်လို့ ထင်ဖွယ်ရှိပါတယ်။

Specification
-----------------

HTC One M8 နဲ့ Samsung Galaxy S5 မှာ ပါရှိလာတဲ့ အစိတ်အပိုင်းတွေတော်တော်များများဟာ တူညီပါတယ်။ Snapdragon 801 processor, RAM 2GB, 1080p မျက်နှာပြင် စတဲ့ အဓိကအစိတ်အပိုင်းတွေက တူညီနေပါတယ်။ အဓိကကွာခြားချက်ကတော့ ကင်မရာပါပဲ။ HTC ကတော့ ယခင် One မှာပါရှိခဲ့တဲ့ Ultrapixel နည်းပညာကိုပဲ ဒီ M8 မှာလည်း အသုံးပြုထားပါတယ်။ 4MP ရှိတဲ့ Duo Camera ၂လုံးပါရှိပြီး ကင်မရာ၂ခုပါရှိတာကြောင့် ထူးခြားပါတယ်။ Samsung ကတော့ ISOCELL နည်းပညာသုံး 16 megapixel ရှိတဲ့ ကင်မရာကိုအသုံးပြုထားပါတယ်။ စမ်းသပ်ချက်တွေအရတော့ ထုံစံအတိုင်းပဲ Samsung Galaxy S5 ကပိုမိုစိုပြေတဲ့အရောင်နဲ့ တိကျတဲ့ပုံရိပ်တွေကို HTC One M8 ထက် ပိုမိုထုတ်လုပ်ပေးနိုင်ပါတယ်။ အချက်အလက်အသေးစိတ်ကိုတော့ ပုံမှာပြထားပါတယ်။

Software, performance and features
-----------------------------------------------

HTC One M8 နဲ့ Galaxy S5 ၂ခုစလုံးမှာ Android ရဲ့ KitKat နောက်ဆုံးဗားရှင်းဖြစ်တဲ့ 4.4 တွေကိုယ်စီပါရှိလာကြပြီး HTC ကတော့ ရှင်းလင်းခန့်ညားတဲ့ Sense 6 UI ကိုအသုံးပြုထားသလို Samsung ကတော့ ယခင် S4 ရဲ့ TouchWiz UI ထက် ပိုမိုသပ်ရပ်တဲ့ TouchWiz UI အသစ်ကိုအသုံးပြုထားပါတယ်။
Samsung ရဲ့ Galaxy S5 မှာထူးခြားလာတာကတော့ HomeKey ကနေ လက်ဗွေစနစ်အသုံးပြုနိုင်လာတာဖြစ်ပြီး နောက်ကျောဘက်ကင်မရာအောက်ပိုင်းမှာလည်း နှလုံးခုန်နှုန်းတိုင်း တာနိုင်မယ့် heart rate sensor တစ်ခုပါရှိလာပါတယ်။ ဒီ feature တွေကိုတော့ HTC One M8 မှာမရရှိနိုင်ပါဘူး။ နောက်ပြီး S5 မိတ်ဆက်ပွဲမှာ S5 နဲ့အတူမိတ်ဆက်ခဲ့တဲ့ GearFit လို စမတ်နာရီတွေနဲ့လည်း ကျန်းမာရေးဆိုင်ရာဝန်ဆောင်မှုတွေကို အသုံးပြုနိုင်ပါသေးတယ်။ Download ဆွဲတာကြိုက်တဲ့သူတွေအတွက် Wifi နဲ့ LTE ၂ခုတပြိုင်နက်တည်းပေါင်းပြီး ဒေါင်းလုပ်ဆွဲနိုင်မယ့် Download booster နည်းပညာလည်း ပါရှိလာပါသေးတယ်။ နောက်ထပ် feature တွေများစွာကျန်ရှိပါသေးတယ်။ Samsung ရဲ့ Galaxy S5 ကတော့ feature တွေမြောက်များစွာထည့်သွင်းထားပေးတဲ့ feature phone လို့တောင် ဆိုရမလားပဲ။

Sense 6 UI အသုံးပြုထားတဲ့ HTC One M8 မှာတော့ ယခင် BlinkFeed ဗားရှင်းကိုအဆင့်မြှင့်ထားတဲ့ ဗားရှင်းပါရှိလာပြီး home screen ကနေပဲ မိမိကြိုက်နှစ်သက်တဲ့သတင်းတွေ၊ ဆိုရှယ်မီဒီယာတွေကို အချိတ်အဆက်မပြတ်ဖတ်ရှုနိုင်မှာဖြစ်ပါတယ်။ Samsung မှာလည်း My Magazine ဆိုတဲ့ Flipboard ကိုအခြေခံထားတဲ့ စနစ်ပါရှိလာပေမယ့် BlinkFeed လောက်တော့ သုံးရတာအဆင်မပြေပါဘူး။
HTC ရဲ့ နောက်ထပ်နာမည်ကြီးစနစ်တခုဖြစ်တဲ့ BoomSound အသံစနစ်ကလည်း Samsung ရဲ့ သမရိုးကျ အသံစနစ်ထက် လွန်စွာကောင်းမွန်လှပါတယ်။ သီချင်းနားထောင်တာနဲ့ ရုပ်ရှင်ကြည့်တာကြိုက်နှစ်သက်သူတွေအတွက်တော့ HTC ရဲ့ BoomSound စနစ်က အကောင်းဆုံးဝန်ဆောင်မှုပေးပါလိမ့်မယ်။
HTC ရဲ့ software ဒီဇိုင်းကတော့ ရိုးရိုးရှင်းရှင်းနဲ့ သပ်သပ်ရပ်ရပ်ပါပဲ။ ကျနော့်မျက်စိထဲမှာတော့ ကာတွန်းပုံစံဘက်ကိုပိုယိမ်းနေတဲ့ Samsung ရဲ့ TouchWiz UI ထက် HTC ရဲ့ Sense 6 UI က ပိုပြီးခန့်ညားသလို ကြည့်ရတာလည်း ရှင်းရှင်းလင်းလင်းရှိလှပါတယ်။ HTC ကတော့ Google ရဲ့ Android စနစ်ကို မွမ်းမံထားတဲ့ UI တာပါရှိလာပြီး Samsung လိုတော့ feature တပုံတပင်တော့ မပါရှိလာပါဘူး။

Camera
-----------

စမတ်ဖုန်းတစ်လုံးရဲ့ အရေးကြီးဆုံးသောအရာတွေထဲမှာ ကင်မရာစနစ်ဘယ်လောက်ကောင်းတယ်ဆိုတာကလည်း ပါရှိပါတယ်။ HTC ကတော့ ယခင်ဖုန်းမှာပါရှိခဲ့တဲ့ Ultrapixel နည်းပညာကိုပဲ ထပ်သုံးထားပြီး ထူးခြားလာတာက 4MP ကင်မရာ၂လုံးပါရှိလာတာပါ။ Samsung ကတော့ sensor နည်းပညာသစ် ISOCELL ပါဝင်တဲ့ 16 MP ကင်မရာပါရှိပါတယ်။
ကင်မရာ၂ ခုစလုံးမှာ အသုံးတည့်တဲ့ feature တွေ၊ ထူးခြားတဲ့ဓါတ်ပုံနဲ့ ဗီဒီယိုရိုက်ကူးမှုစနစ်တွေကိုထည့်သွင်းပေးထားပါတယ်။ အလင်းရောင်နည်းတဲ့အခြေအနေတွေမျိုးမှာတော့ HTC က စွမ်းဆောင်ရည်ပိုမိုကောင်းမွန်ပြီး နေ့ခင်းလို ရှုခင်းဓါတ်ပုံတွေရိုက်ကူးရင်တော့ Samsung က ပိုသာပါတယ်။

Battery
---------

Samsung မှာတော့ ဖြုတ်တပ်လို့ရတဲ့ 28000 mAh ပမာဏရှိတဲ့ ဘထ္ထရီပါရှိလာပြီး HTC မှာတော့ ဖြုတ်လို့မရတဲ့ 2600 mAh ပမာဏရှိ ဘထ္ထရီပါရှိလာပါတယ်။ တစ်နေကုန် အင်တာနက်သုံး၊ ဂိမ်းဆော့၊ ဓါတ်ပုံရိုက်ရင်တော့ HTC One M8 ဟာ ၁၅နာရီခန့် ခံပြီး Samsung Galaxy S5 ကတော့ ၁၃-၁၄ နာရီလောက်ပဲ ခံတာကိုတွေ့ရပါတယ်။ HTC မှာတော့ Extreme Power Saving Mode ပါရှိလာပြီး Samsung မှာတော့ Ultra Power Saving Mode ပါရှိလာပါတယ်။ ဒီထဲကမှ Samsung ရဲ့ Ultra Power Saving mode က ပိုထူးခြားပြီးကြာရှည်ပိုခံပါတယ်။ ဘထ္ထရီ 20% လောက်ပဲ ကျန်တဲ့အချိန်မှာ ဒီစနစ်ကိုအသုံးပြုလိုက်ရင် နောက်ထပ် ၁၂နာရီလောက်ကြာရှည်ခံနိုင်မယ့် နည်းပညာကတော့ လေးစားစရာပါပဲ။ ဒီလိုကြာရှည်ခံနိုင်အောင် Samsung က ဖုန်းမျက်နှာပြင်ရဲ့ brightness ကိုလျှော့ချရုံတင်မက ကာလာစုံကနေ အဖြူအမည်းဘက်ကိုပါ ပြောင်းလိုက်ပါတယ်။ ဒါကြောင့်လည်း ပိုမိုကြာရှည်ခံတာဖြစ်ပါလိမ့်မယ်။

Conclusion
---------------
ဒီဖုန်း ၂လုံးထဲက ဘယ်ဖုန်းပိုကောင်းသလဲဆိုတာကတော့ မိမိက ဘယ်လိုအရာကို ပိုမိုအလေးပေးကြိုက်နှစ်သက်သလဲဆိုတဲ့အပေါ်မှာ မူတည်ပါလိမ့်ယ်။
အကယ်၍ သင်ဟာ ကျန်းမာရေးလိုက်စားသူတယောက်၊ ဓါတ်ပုံရိုက်ကူးတာဝါသနာပါတဲ့သူတယောက်၊ feature တွေစုံစုံလင်လင်ပါရှိတာကိုကြိုက်နှစ်သက်တယ်၊ ရေစိုလည်းခံရမယ်ဆိုရင်တော့ Samsung Galaxy S5 က သင့်အတွက်အသင့်တော်ဆုံးဖြစ်မှာပါ။
ဒါမှမဟုတ်ပဲ သင်က ဖုန်းကိုရိုးရိုးရှင်းရှင်းနဲ့ စတိုင်ကျခန့်ညားတဲ့ သတ္ထုကိုယ်ထည်ဖုန်းမျိုးကိုကိုင်ချင်တယ်၊ သီချင်းနဲ့ ဗီဒီယိုကြည့်တာကို ဝါသနာပါတယ်၊ သတင်းတွေကြည့်ရတာ ဝါသနာပါတယ်ဆိုရင်တော့ HTC One M8 က သင်နဲ့ သင့်တော်မှာပါ။